By: Keeno Magandang araw mga readers ng KM, tawagin niyo na lang ako sa pangalang Keeno, 20 years old, 5’5 ang height, maputi, medbuilt at c...
By: Keeno
Magandang araw mga readers ng KM, tawagin niyo na lang ako sa pangalang Keeno, 20 years old, 5’5 ang height, maputi, medbuilt at chinito. Gusto kong ishare ang aking kwento sa inyo, sana ay maenjoy niyo at may mapulot kayong aral, hahatiin ko nalang sa parts ang kwento ko kasi mukhang mahaba haba ito. Sana ay mag-enjoy kayo..wala man masyadong halong kalibugan eh sana eh kahit puso niyo eh maantig sa kwento ko Nagsimula akong tuklasin ang aking preference, nung ako’y 2nd year high school pa lamang, 14 years old ako noon. Noon ko nakilala si Enzo, matangkad at gwapo si Enzo, isa siya sa mga campus crushes ng school. Tuwing may pageant, lagi siyang sinasali, at siya’y nananalo naman. Isa siya sa mga naging malapit sakin nung HS, parati kaming magkasama kapag inuutusan, parati kaming magkasabay kapag kumakain, kahit sa pagpunta lang sa CR ay nagpapasama pa ako sa kanya. Wala kaming “title” noon, hindi kami magbestfriend, hindi kami magboyfriend, basta plain lang na magkaibigan, pero alam ko na sobrang lalim na nang aming samahan, na kahit pa sa harap ng mga kaklase namin ay natutulog kaming magkasandal. Kakatapos lang ng 2nd grading nang nagsimula ang aming mas malalim na relasyon, isang gabi, nagpasya ang grupo naming sa Science Investigatory Project na mag-overnight sa bahay nila Enzo, dahil kinakbukasan ay pasahan na ng final papers at sa bahay lang nila talaga pwede, dahil yun ang bahay na halos malapit sa lahat samin. Hindi na bago sakin ang pagpunta sa bahay nila, dahil madalas ay dun ako tumatambay, naging close nadin ako sa Mom and Dad nya pero hindi sa mga kapatid niya. Ika nga ng Mom nya, kung naging babae lang daw ako eh perfect ako para sa anak niya. Lagi kong iniisip ang mga katagang binitawan ng Mom nya, pero lagi kong sinasabi na hindi pwede, mali iyon sa mata ng mga tao, sa mata ng mga magulang ko at sa mata ng Diyos, pero tila ba meron talagang magnet na pilit nilalapit ako kay Enzo kahit ayaw ko na.
Di ko lubos inakala na sa overnight na iyon, mababago ang lahat. Nang matapos naming ang papers bandang 1AM, nagkayayaang mag-inuman, kaya lang eh hindi ako umiinom dahil ayaw ko ng amoy ng alak at ayoko ng lasa, kaya naman para hindi daw ako ma-OP eh Iced Tea ang ipapainom nila sakin dahil kakulay naman daw.
Lumipas ang ilang oras na puro tawanan at kwentuhan, nagkaron din ng mga games at hanggang sa lahat sila ay bagsak na. Ako ang naiwan at tinulungan nadin ako ng Mom ni Enzo na magligpit.
“Pasensya kana anak ha, ikaw pa nagliligpit, tignan mo tong si Enzo oh, ang sarap ng tulog, bagsak na bagsak”
“Ayos lang po yun tita, sanay naman ako na naglilinis sa inyo, para ko narin nga po itong bahay eh hehe”
“Oo nga eh, nahihiya na nga ako sayo kasi imbes na mag-ala bisita ka eh ikaw pa yung tumutulong samin, oh siya tapusin na natin to ng makapagpahinga kana din”
Natapos namin ang pagliligpit, at iniakyat namin ni Tita si Enzo sa kwarto niya dahil baka magulungan niya daw ang mga classmates namin, sinabihan din ako ni Tita na doon na sa kwarto ni Enzo matulog, malaki naman daw kasi yung kama niya, pumayag nadin ako sa sobrang pagod. Nang patulog na ako, nagulat ako nang may biglang humawak sa bewang ko, si Enzo pala iyon, gising siya at nagtutulug tulugan lang kanina…
“Ang sipag naman pala ng Keeno ko”
“Keeno ko? Nababaliw kanaba?Kailan pa ako naging sayo? Hindi ako nag-apply na katulong niyo no?!”
“Alam mo, hindi naman talaga ako lasing eh, diba iced tea ininom mo? Yun din iniinom ko kanina, uminom nalang ako ng alak nung patapos na sila”
“So? Matulog na nga tayo! Di ka naman pala lasing di mo man lang kami tinulungan mag-ayos ng mama mo” Sabay higa at pikit
“Hindi ka man naging akin, alam ko dadating ang panahon na ako’y magiging sayo at ika’y magiging akin lamang.Favorite song mo yun diba?”
Hindi ko na sinagot ang tanong niya, at yumakap nalang siya sakin para matulog, wala pang malisya yun sakin nung mga panahong yun pero iba yung aura dun sa loob ng kwarto, parang ang saya saya, ang aliwalas. Napasarap din ang tulog ko nun kaya naman late na akong nagising. 11AM nang nagising ako, at ako nalang ang classmate ni Enzo na nasa kanila.
“Tita, kailangan ko na pong umuwi, paalam ko kila mama eh mga 9AM uuwi na ako”
“Anak ok na, nakausap ko na ang Mama mo, sabi din nila ay dito ka muna mag-stay kasi pupunta silang Bulacan ngayon, kasama yung dalawa mong kapatid, at naiwan daw nila yung susi mo sa inyo, di daw nila kasi alam kung saan mo nilagay, dinalhan ka naman nila ng damit mo hanggang bukas, kaya dito kana ulit matutulog ngayon”
“Ay tita ganun po ba, sige salamat po ah, di pa po kasi ako nagchecheck ng cellphone ko baka don nagtext na sila”
Pagpasok ko ng kwarto eh bigla kong nakita si Enzo, seryoso ang mukha, tahimik, at nakatingin lang sa bintana niya..
“I-lock mo yung pinto” sabi niya sa akin
“Ha? Bakit?”
“Kwarto ko to diba?”
“Ok sorry, lalabas nalang ako.”
“Pinalabas ba kita? Sabi ko i-lock mo yung pinto pagpasok mo”
“Ok sorry, Pentium 1 eh, may problema ka ba?”
“Ikaw lang ang mayamang hindi Inglesero eh no? Ikaw lang ang mayamang ayaw magsuot ng magagarang damit, ikaw lang ang mayamang walang yabang sa katawan, Kaya nga kita nagustuhan eh.”
“Ano bang sinasabi mo? May problema kaba? Binasted kaba ng nililigawan mo?Ano? Wag mo sabihing ako ang pagpapraktisan mo ng mga linyang sasabihin mo sa bago mong liligawan?”
“BAKIT BA PARANG BIRO LANG SAYO ANG LAHAT!!! ILANG BUWAN AKONG NAGTIIS, ILANG BUWAN KITANG KASAMA PERO HINDI KO MAN LANG MAGAWANG SABIHIN ANG TOTOO!! ILANG BUWAN KONG PINILIT NA ITURING KA NA KAIBIGAN LANG KITA TAPOS NGAYON, SASABIHIN MO PAGPAPRAKTISAN LANG KITA?”
Hawak niya ang mga balikat ko nun, tulala ako at hindi ko alam kung ano ang magiging reaction ko, natatakot ako na baka masuntok ako ni Enzo, na baka itulak niya ako bigla…. Pero kabaligtaran nun ang nangyari, niyakap niya ako… niyakap ng mahigpit, na para bang wala nang bukas..
“Keeno, mahal na mahal kita…Lahat ng ginawa mo para sakin, I have been cherishing it for months. Keeno yung pagcheer mo sa pageants, yung pagcheer mo pag nakakashoot ako ng 3 points sa basketball, yung pagtulong mo sakin na makasagot sa recitation, yung paghahawak mo ng mabigat kong bag kapag inaayos ko sintas ko, kahit yung simpleng pagaabot mo ng bayad natin sa jeep… You don’t know how deep it is for me… Keeno, your every step, your every breath, your every smile… makes my day”
Walang akong nasabi nun, hindi ko alam kung anong magiging reaction ko dahil yun ang first experience ko. Isang taong artistahin, mala Robi Domingo ang itsura at katawan nya, campus crush, tinitilian ng mga babae at bakla sa school eh sa akin magkakagusto… Bumilis ang tibok ng puso ko nung time na yun, biglang nagflash back lahat..Oo nga’t ang lalim nang naging samahan naming dalawa, pero tama ba ito? Dalawang lalaki ang magmamahalan,isang lalaking tinitilian dahil sa taglay niyang kagwapuhan ang naiinlove sa isang simpleng estudyante lamang… Hindi ko alam kung bakit biglang tumulo luha ko nun sa harap niya, kung bakit bigla akong napaiyak… pinunasan nya agad yung mga yun at bigla akong hinalikan sa labi..
“Keeno I’m so sorry if you’re confused, this is real Keeno, this is real… believe me..hinintay ko tong panahong ‘to, pinlano namin ‘to ni Mommy.. para masabi ko lahat ng ito sa’yo.. please.. can you give me a chance to be a part of your life?”
“………..”
“Kahit ¼ lang please?”
“………….. yes”
Hindi ko din alam kung bakit ko siya sinagot, siguro nga, mahal ko nadin siya… kapag absent siya eh nag-aalala ako sa kanya, kapag may sakit siya eh dinadalaw ko siya at tinuturuan ng mga namiss niya sa klase… Laking tuwa niya nung sinagot ko siya pero mas nagulat ako nang bumaba siya at tinawag ang Mom niya.
“Mom!!! YES!!!!! HE SAID YES!!!!”
Biglang nagsigawan sa baba ng bahay nila at hindi ko alam kung anong gagawin ko, hindi ko alam kung paano ko haharapin yung parents nya, hindi ko alam kung bakit niya sinabi na HE SAID YES!!! Hindi ko alam, naguguluhan ako.. Nilock ko yung pinto ng kwarto niya, nag-iisip ako, isip ng isip, hindi ko alam kung anong dapat kong gawin, kung ano ang dapat kong sabihin..nakarinig ako ng footsteps na paakyat ng hagdan, sobrang kinakabahan talaga ako, ambilis ng tibok ng puso ko... Kumatok sila ng kumatok hanggang sa pagbuksan ko na sila ng pinto, nakayuko akong humarap sakanila, hindi ko alam kung ano ba ang magiging reaction nila..nagulat nalang ako nang may yumakap sakin ng mahigpit, ang Mom ni Enzo…
“Congrats sa inyong dalawa anak, kung alam mo lang, matagal ka nang kinekwento sa akin ni Enzo, alam mo naming matagal nadin kitang gusto anak diba? Matagal ko nang alam kung ano si Enzo at natanggap na naming yun ng Dad niya, anak congratulations sa inyong dalawa… Alam kong matured kana din mag-isip at alam ko ang priorities mo pero papaalalahanan ko padin kayong dalawa ha? Magtapos muna ng pag-aaral bago magsama”
“Opo Tita, thank you po..”
“Oh siya, kumain na tayo,nakapaghain na ako sa baba.”
Ang saya saya ng araw na iyon para sa amin, parang may pyesta sa bahay nila.. Kinabukasan, umuwi na ako sa amin, hindi alam ng magulang ko ang nangyaring iyon dahil hindi ko parin naman nasasabi sakanila ang tunay kong kasarian. Tikom din ang bibig ng ina at ama ni Enzo dito, dahil natatakot sila na kung anong masabi ng aking mga magulang. Inenjoy namin ni Enzo an gaming relasyon, araw araw eh hinahatid at sinusundo nila ako sa bahay, sakay ng kotse ng kanyang Dad. Nakakatuwa lang isipin na may mga magulang na tumatanggap sa ganitong uri ng relasyon, natatanggap nila kung ano ang kaligayahan ng kanilang mga anak. Lumipas ang ilang buwan at natapos na ang School Year na yun, niyaya nila akong magbakasyon sa Puerto Prinsesa, na agad namang pinayagan ng aking mga magulang. Ang bakasyong yun ang hindi ko makakalimutan sa lahat, ang buong akala ko’y kasama namin sila Tita at Tito, pero kami lang pala ni Enzo ang magkasama. Sa Puerto Prinsesa, tumuloy kami sa isang hotel na hindi naman kamahalan pero maganda naman ang amenities. Doon ko nakilala si Jake, isang bakasyunista din, 16 years old at nag-aaral siya sa isang sikat na private school sa Manila. Sumama sa amin ni Enzo ang pamilya ng kanyang Tito Lito, at siya na ang nag-asikaso ng booking ng hotel. Habang naghihintay sa lobby, tumabi sa akin si Jake…
“Hi..”
“Hello”
“May I know your name?”
“Keeno, ikaw?”
“I’m Jake, from Manila..you?”
“from Caloocan.. Nice meeting you.”
“Ikaw lang mag-isa?”
“No, I’m with my friend’s relatives..”
“Oh I see, oh sya una na ako ha? Nice meeting you, I’m looking forward to hang out with you sometime”
Hindi ko na sinagot ang sinabi niyang iyon, nilapitan ako agad ni Enzo at mukhang nababadtrip siya. Tinanong niya ako kung sino iyon, at agad ko namang sinabi na hindi ko siya kakilala at hindi ko alam kung bakit siya tumabi sakin. Sobrang seloso si Enzo, minsan nga eh pinagselosan niya ang bestfriend kong si Mico nang inakbayan ako nito habang naglalakad. Nasuntok niya ito sa mukha, at dahil hindi ugali ni Mico na makipagbasag ulo, ay hindi nalang siya kumibo dito. Isa ito sa mga pinag-awayan namin dati, at nagkapatawaran din naman kinalaunan. Pagpasok namin ng kwarto, agad hinawakan ni Enzo ang kamay ko at pinagsabihan na kung pwede ba ay mag-behave naman daw ako, nakatalikod lang daw ako eh nagpapakamot na agad ako sa iba. Nasaktan ako sa sinabi niyang iyon, kaya naman para makapagpalipas ng sama ng loob eh lumabas ako ng hindi siya kasama, nag-iwan lang ako ng note sa kama at nakalagay sinabi ko dun na mamimili lang ako ng mga pasalubong. Sa sobrang inis ko, nakalimutan ko ang wallet ko, tanging ang Php 500.00 lamang na nakalagay sa bulsa ko ang nadala ko. Gusto ko sanang bumalik sa hotel para kunin ang wallet ko pero inisip ko na kung babalik ako eh hindi na ako papalabasin ni Enzo, kaya naman pinabayaan ko nalang at nag-ikot ikot nalang muna ako, naghanap ako ng makakainan, ng mga mabibiling burloloy para pasalubong, at doon umikot ang katangahan ko, hindi ko alam kung saan na ako nagpupupunta!! Nawawala na ako! Gabi na pero hindi padin ako nakakauwi, at nagtext na si Enzo kung nasaan na daw ako, sabi ko’y hindi ko alam kung saan na ito. Tinawagan niya na ako, halos maiyak na ako dahil sa katangahan ko pero siya’y nanggagalaiti na sag alit. Nawala saisip ko na magtanong tanong dahil baka iligaw lang ako lalo ng mga taong pagtatanungan ko, hanggang sa Makita ko ang isang pamilyar na mukha di kalayuan….. si JAKE… wala siyang kasamang iba kaya naman agad ko siya nilapitan... Mangiyak ngiyak na ako nang Makita ko siya
“Jake!!! Huhuhu..nawawala ako”
“Ha? Ikaw lang ba mag-isa ang naggala? Ikaw talaga, pasaway ka din siguro eh no?buti nalang at pauwi na ako, tara na sabay na tayo”
Sabay kaming bumalik ni Jake ng hotel, mangiyak ngiyak padin ako pagbalik namin, ngunit isang surpresa ang tumambad sa akin pagbalik, si Enzo… naghihintay sa labas ng hotel..
“Kanina pa ako text ng text sayo ha?Naliligaw ka diba? O naliligaw sa ibang lalaki?!!”
“Dude wag kang hot!! Nagkasabay lang kami, nagkataon lang na nandun ako sa plaza..”
“Di kita kinakausap!!!! Keeno akyat na!! At ikaw! Tigil tigilan mo ang paglapit sa kanya! Kung ayaw mong mabasag ko yang mukha mo!”
Hindi ko na alam kung anong pinagusapan nila pagkatapos, para akong nabingi pagkatapos ko marinig ang mga binitawang salita ni Enzo, ni hindi ko man lang nagawang makapagpasalamat kay Jake. Pagpasok ko ng kwarto, naupo agad ako sa may kama, ayos na ang lahat, pati mga gamit ko..pati yung kamang tutulugan namin.. sa tabi nun ay may maliit na lamesa, may nakita akong isang white na rose… yun ang favorite kong flower.. katabi nun eh ang first picture naming dalawa ni Enzo.. hawak hawak ko yun nang bigla siyang pumasok sa kwarto, galit na galit siya… pumunta siya sa harapan ko.. at lumuhod..
“Keeno please? Behave ka..ang sakit sakit na eh, hindi mo baa lam ha? Selos na selos na ako”
“Hindi ko maintindihan kung bakit kailangan mong magselos, totoo naman ang sinasabi ni Jake eh, nagkasabay lang kami, Enzo kakakilala lang namin ni Jake!! Ano to sa tingin mo? Love at first sight? Enzo please… antagal na nang pinagsamahan natin, tingin mo ipagpapalit kita sa lalaking kakakilala ko palang??!”
Tumulo ang luha niya noong mga oras na yon, kakaiba yun sa kanya dahil hindi naman siya iyakin. Agad kong pinunasan ang luha niya at nagulat ako nang bigla niyang inilapit ang mukha niya sa akin.. Hinalikan niya ako, unang beses ko makaexperience ng kiss nun, hindi ko alam ang gagawin ko..parang naging bato ako bigla.. hindi ko talaga alam kung ano magiging reaction ko.. bigla siyang huminto at niyakap ako…
“Huwag mo na akong iiwan ulit ha please?”
Yakap lamang ang naging tugon ko sa mga sinabi niyang iyon… mababaw lamang ang nangyari pero napakalalim ng ibig sabihin sa kanya..
……Itutuloy
COMMENTS