By: JB Naglalakad ako pauwi at iniisip ko ang nangyari ng araw na iyon. Hindi ko lubos akalain na nagkaroon na ako ng lakas ng loob makip...
By: JB
Naglalakad ako pauwi at iniisip ko ang nangyari ng araw na iyon. Hindi ko lubos akalain na nagkaroon na ako ng lakas ng loob makipagmeet sa nakakachat ko sa PR. At syempre sumanggi agad sa isip ko si Rex, ang hitsura at ang appearance niya.
---
Mag aalas-onse na nang makauwi ako ng bahay. May dala akong susi ng doorknob ng bahay namin kaya nakapasok ako agad, nagdahan-dahan ako sa paghakbang nang hindi na ako mapansin ni mama o ni papa na malamang ay natutulog na sa kwarto nila. Pagkalapag ko ng bag ko sa upuan, nagtext ako agad kay Rex na nakauwi na ako, hindi ko kinalimutan ang sinabi niya na yon na magtext ako, doon ko rin nafeel na nagkaroon na siya ng concern at care sa'kin. Napapangiti na lang ako pag naiimagine ko si Rex habang siya'y nagsasalita.
Nang masend ko na ang text ko, may narinig akong nagbukas ng pinto sa cr, si mama pala, mukang naalimpungatan lang at nagcr.
Mama: Oh! anong oras ka na nakauwi? may pasok ka pa bukas.
Ako: ahh e medyo natagalan lang ma sa paggawa ng report namin.
Mama: Sige sige, nakakain ka na ba?
Ako: Oo ma.
Mama: O sige. Matulog ka na! anong oras na.
Nagtungo na ako sa kwarto naming magkakapatid, nagpalit ng pambahay at humiga na sa kama ko. Huminga ako ng malalim at Inisip ko agad ang kakaibang nangyari sa'kin sa araw na yon. Ang sarap sa pakiramdam na nakaexperience na ako ng mga intimate at nakakakilig na moments with a guy na madalas ko lang iniimagine, those moments na ibinigay sa'kin ng isang cute guy na nagngangalang Rex. Yung looks at appearance ni Rex maging ang killer smile at matalas niyang tingin...nakatatak na sa'kin.
Papikit na ang mga mata ko nang maalala ko ang text ko kay Rex, kaya kinuha ko kaagad ang phone ko at chineck kung nagreply si Rex. Nakita ko kaagad sa notif. na may nagmessage kaya agad kong binuksan ang messages ko, nakita ko sa bungad ang text ni Rex at dali dali kong binasa..
(On Text Message)
Rex: "buti naman at nkauwi kna sa byahe pa ako, text ako ulet pag nkauwi na ako"
Napangiti ako nang mabasa ko ang reply niya. Agad ko siyang nireplyan..
Ako: "Sge Rex, hintayin ko text mo. :)"
Tinaasan ko ang volume ng ringtone ko sa phone dahil nakasilent ito, binaba ko at tinabi sa akin. Hihintayin ko muna magreply si Rex, mag gu-goodnight at tsaka na ako matutulog.
Mga 20 minutes ang nakalipas, narinig ko na ang message ringtone ng phone ko, kinuha ko ito agad, si Rex nga ang nagtext..
(On Text Message)
Rex: "Dto na ko bahay, kapagod! humiga ako agad sa kama ko"
Rex: "inaantok na ako, tutulog na ako. Ikaw din ha"
Ako: "onga e, kapagod. Sige goodnight Rex! sweet dreams.."
Rex: "Sge Gab. Goodnyt din usap nlng tayo bukas"
Ako: "hehe ok Rex good night ulit"
Rex: "Tulog kna"
Ako: "Opo matutulog na :)"
Yun na ang huling pag-uusap namin ni Rex sa text, sa pagod at sobrang antok, di ko na rin namalayan na nakatulog na rin ako agad.
---
Kinaumagahan, mga 6:30 ng umaga paggising ko, chineck ko agad ang phone ko at nag-expect na baka nagising na rin si Rex at nag "Good Morning" na sa'kin..pero wala pala, text lang ng classmate ko ang nakita ko na sinasabing pumasok ako ng maaga. Gusto ko na siya ang unang mag "good morning" para naman mafeel ko na interested pa siya sa akin.
Nakaligo na ako, nakakain na ng breakfast, nakapagbihis na at wala pa ring text si Rex, Hindi ko alam ang oras ng pasok ni Rex sa office pero pinipilit kong isipin na tulog pa siya. Di na muna ako umasa pa at umalis na ng bahay para pumasok sa school.
---
Mga 10 am na at nasa loob ako ng computer laboratory, pasimple akong sumulyap sa phone ko, nalaman ko na nagtext na si Rex! labis akong nasiyahan sa loob loob ko. Sinilip ko kaagad ang text nya..
(On Text Message)
Rex: "morning Gab :)"
Magdadalawang oras na nakalipas ang text ni Rex kaya pinilit kong itago ang phone ko at replyan siya..
Ako: "Good morning Rex. Office kna?
After ilang minutes nang masend ko na ang text ko, nagpaactivity naman ang professor namin sa loob ng laboratory kaya itinago ko muna ang cellphone ko sa bag ko at nagfocus sa pinagagawa ng professor.
---
Alas dose na ng tanghali ng madismiss ang first subject ko, nasa canteen na kami at nasa kalagitnaan na ako ng pagkain nang macheck ko ulit ang phone ko. May reply si Rex..
(On Text Message)
Rex: "slr gab, oo 8 ang pasok ko e. Ikaw ba? nasa school ka ba?"
Ako: Oo Rex, naglulunch kmi classmates ko ngayon, maya pa 3 next subject ko"
Rex: "Ahh..lunch break din namin ngayon eh"
Rex: "ano bang araw ang pasok mo?"
At that time, nakaramdam ako ng gaan ng pakiramdam sa pagtetext ni Rex sa'kin, nangangamba kasi ako na baka bumitaw siya sa'kin dahil sa di ko pagpayag agad na maging kami.
(On Text Message)
Ako: "M,T,W,F ang mga days ng pasok ko"
Kakatapos ko lang kumain at dali daling tiningnan ang reply ni Rex..
Rex: "Ahh...study hard ha! kelan kaya ulet tyo magkikita?"
Ako: "sa Thurs. pede nman sguro"
Rex: "sguro Gab weekends na lng ulet, ok lng ba?"
Ako: "ok lang nman Rex, lam ko nman na may work ka e"
Rex: "Sge gab, focus ka muna dyan sa study mo, baka masyado mo na akong namimiss. hahaa"
Masyadong confident din to si Rex sa sarili niya, dinadaan sa gwapo, ganun na lang siya kung kausapin ako pero gusto ko naman yung paganyan ganyan niya, hindi siya nagiging boring kausap.
Ako: "hahaa baliw!"
Ako: "pero oo nga namiss kita!"
Rex: "hehe namiss din kta :)"
Kinilig ako masyado sa reply niya na yon, yung mga classmates ko nakatingin sa'kin, sino raw ang katext ko at grabe daw ako makangiti.
Ako: "Talaga? hahaa"
Rex: "Oo nman! ;)"
Ako: "hihi tapos kna ba kumain?"
Rex: "patapos pa lang. Ikaw ba?"
Ako: "kani-kanina pa, mbilis ako kumain e :D"
Rex: "Ah gnun ba! kain ka lng ng kain, pataba kpa!"
Ako: "oo nman, gusto ko rin tumaba pa"
Rex: "mganda yan"
Rex: "Gab! balik na ako sa work ko ha. Marami-rami to. I'll text you when I can :)"
Ako: "Ok sige Rex, maya nlng ulit :)"
Masaya na ang araw ko sa palitan ng text messages namin ni Rex, pinakilig niya ulit ako sa text lang niya, paulit-ulit niya akong pinapakilig nang hindi niya alam.
Pagkatapos non ay hindi ko na inabala pa si Rex, di na ako nag-expect na magtetext pa siya dahil alam kong busy pa siya at nabanggit niya rin sa'kin na mahigpit ang boss nila sa office pagdating sa gadgets lalong-lalo na sa cellphone. Di muna ako nagtext hanggang sa matapos ang huling klase ko at makauwi na ng gabi.
COMMENTS